燚火鍋專門店 (已結業)

幾個月前已經食過一次，非常回味，皆因98蚊5款鮮味十足既海鮮同湯煱底令我一試難忘。今日係9龍城做野野，一行2人又再泥呢到反尋味，😎👍🏻去到門口望入去，全場滿座，好不容易等到有人埋單，服務員二話不說即清枱帶我地入坐，我地睇左餐牌，當然必選98元既5款海鮮先啦，之後見到一1蚊卜卜蜆，可惜未到宵夜時間，選其次半隻奇味雞煲，等左一會，雞煲上枱，一開蓋，嘩！超香，試第一舊，非常入味，我平時係好鐘意食雞煲既人，呢間雞煲我最係俾好高評價，色香味俱全！一舊接一舊停不了，食完雞再打邊爐，原來可以加一蚊有精選湯底，我地就揀左四把火柱皇鍋，呢個湯底有勁多瑤柱，岩我地食海鮮更帶動鮮味。海鮮拼盤今次有花蟹，蠔，海蝦，聖子同鮑魚，98蚊食到哂貴價海鮮真係開心到不行了，上到枱都係識郁架，一係無得彈！而配料，我地要左必選午餐肉，雲吞。雲吞大大隻蝦係入面，足料好味！完全夠哂飽！捧住個肚走！說實話，我會一而再再而三咁泥幫襯。呢到既老闆好好人既呢。