宮崎日式燒肉店 (已結業)

第1次食宮崎應該是3年前，之後keep住半年食一次，因為真係比較少地方烤肉可以咁高質素，就算貴少少都會同朋友約呢間。入座後好快就送上八色烤肉，即是8款不同味道，紅酒、黑蒜、辛茄、香蔥、芭蕉、胡麻、千島、山葵。個人最愛辣辣地的辛茄、濃味的胡麻，之後仲翻點幾次。點完已經忘記邊碟係咩名，但整體來講好好好味！豬肉唔會太硬身，一片片肥瘦相間，而且醃得入味，影完相後已經9秒9清空，特別豬頸肉入口彈牙，超正；牛肉比想像中嫩滑，食落肉味都幾濃，唔會被醃料搶味；雞肉滑到不得了，啖啖脾肉入口，連點三轉都一樣質素！海鮮正常啦，唔會有腥味，不過本身對海鮮一般，所以只點一轉。刺身比想像中有少少距離，點完一次就算。炸物居然係凍，扣分。送的純情仙境豬，視覺效果無得輸，可惜味道不及自己入紙點的豬肉，不過不失啦。雖然刺身、炸物麻麻地，但因為一心只打算來食燒肉，所以絕對不影響，畢竟宮崎都係以燒肉作主打，其他就無得要求太多，總之燒肉水準仲係超正就得啦！