Ricco (已結業)

Item: Ricco
Rating: 5
Author: shadowcblog

4.5

88 食評

味道

環境

服務

衛生

抵食

955

長沙灣

$51-100

港式

shadowcblog

等級4

750

雖然呢間小店開咗唔係好耐，不過都嚟咗已經N次😂一來好味😋 二來抵食，加上飯同意粉選擇都多呀！呢度主打西式餐飲，淨係意粉都有超過20款選擇，而且食材配搭新穎，感覺好有新鮮感！就以今次試嘅呢款卡邦尼慢煮溫泉蛋雞肉炒意粉芝士同埋焗南瓜汁海鮮飯，溫泉蛋配搭清新嘅雞肉意粉🍝由於係炒，冇咗平時嗰啲忌廉汁，食起嚟冇咁Heavy，但係溫泉蛋可以cover到 creamy嘅口感，絕對值得一試啊！另外南瓜海鮮飯都好有驚喜，濃郁嘅南瓜汁估唔到原來配炒飯底好夾，感覺健康而且食落甜甜地㗎！海鮮嚟講有清新嘅帶子同埋蜆肉，仲有勁大塊魚肉，魚肉仲要嫩到滑不溜手，直接sir落個胃，好誇張！超有驚喜！炸到脆卜卜嘅香酥雞球 vs 如雪糕一樣軟綿綿嘅芝士肉醬焗薯蓉，口感上形成好強勁嘅對比呀！但係兩款都咁好食呀，所以係，打和！

雖然呢間小店開咗唔係好耐，不過都嚟咗已經N次😂一來好味😋 二來抵食，加上飯同意粉選擇都多呀！

呢度主打西式餐飲，淨係意粉都有超過20款選擇，而且食材配搭新穎，感覺好有新鮮感！就以今次試嘅呢款卡邦尼慢煮溫泉蛋雞肉炒意粉芝士同埋焗南瓜汁海鮮飯，溫泉蛋配搭清新嘅雞肉意粉🍝由於係炒，冇咗平時嗰啲忌廉汁，食起嚟冇咁Heavy，但係溫泉蛋可以cover到 creamy嘅口感，絕對值得一試啊！

另外南瓜海鮮飯都好有驚喜，濃郁嘅南瓜汁估唔到原來配炒飯底好夾，感覺健康而且食落甜甜地㗎！海鮮嚟講有清新嘅帶子同埋蜆肉，仲有勁大塊魚肉，魚肉仲要嫩到滑不溜手，直接sir落個胃，好誇張！超有驚喜！

炸到脆卜卜嘅香酥雞球 vs 如雪糕一樣軟綿綿嘅芝士肉醬焗薯蓉，口感上形成好強勁嘅對比呀！但係兩款都咁好食呀，所以係，打和！