蚊蚊豬老火鍋 (已結業)

真係第一次食到咁嬲,雖然知係任食限時,佢俾張qr code我地落單係19:14,咁2小時任食正常係21:14夠鐘,但到20:45時候有職員行黎話我地就夠鐘,咁我地以為仲有29分鐘都已經繼續快d食,過多5分鐘就拎單叫我地埋單我地都即刻俾錢,收完錢過幾分鐘又係行埋黎話你地就夠鐘,然後又行走, 講極都冇確實時間,我地咪一路都以為係21:14已經一路睇住時間食, 到21:08突然呀姐同個後生仔拖住垃圾桶衝埋黎好似比賽咁話你地夠鐘啦,跟住掃哂d野落垃圾桶同收哂d碟,我兩個朋友仲食緊夾緊舊肉入口佢都收埋佢個碗碟,職員剩係講一句出面有人等緊,我話唔係食到14分咩,當然兩名職員扮唔識聽中文咁扮聽唔到啦🙄雖然我地食得慢,但係我地都係一路睇住時間食,夠鐘就會交枱,但冇唸過結果會係咁囉中間我地食完烤魚叫雞煲,個雞煲都等左15分鐘先有啦,問個職員,佢只係話入面仲煮緊,叫我地食住枱面小食先,當時我地枱面有一碟生牛肉,丸,生菜😂真心未試過出街食飯食到咁,朋友介紹話好食黎試,不過唔會有下次