酷啡 (已改名) 查看

星期日的西貢人山人海，呢間酷啡無乜人，心諗都算啦攰攰地，志在搵地方坐下。其實招呼都算唔錯嘅，店員好有禮貌，唔會黑口黑面。全部人都笑笑口，樂意為你服務嘅。不過食物方面，就真係麻麻。今日叫左個雞扒螺絲粉+炒蛋多士。雞扒係有煎過嘅，不過有少少油膩。炒蛋同多士係正常之作。不過個螺絲粉呢，軟硬度適中，但個湯完全無味！同埋啲粟米粒唔甜，同埋係硬嘅。搞到我完全唔想食！其實個湯底做好少少，已經令成件事感覺好好多。建議改善下個湯底，客人叫得螺絲粉或者通心粉，其實都係想食啲有湯嘅嘢，你個湯咁樣，即係趕客啫🤷🏻‍♀️