影片
更多
2022-06-11
312 瀏覽
純粹因為好評而試本身只係外賣左個海南雞返屋企食，諗住係附近cafe食個tea，但間cafe截左單咁我惟有翻轉頭去返呢度坐低食個雞脾薯條tea。個樣黎到係唔錯，雞脾大隻，薯條唔係一般曲薯條。先食薯條，我......！真係......我未試過係茶餐廳坐低食薯條係凍嘅，好似雪櫃拎出黎咁，係炸過但攤到凍晒咁又無翻熱，都唔係，有幾條真係未炸透咁有雪味，我只係食左兩三條就無食，好難食。然後雞脾，係大隻，但佢個粉好厚好厚，得陣粉味，入面唔Juicy亦都唔算好熱辣辣，只係微溫，雞又無雞味，失望。我大概5:15坐低，佢收6點，兩樣野都似係就收工就費事翻熱就上枱咁。我杯凍檸茶，飲到大概搭8左右仲有半杯，個老細就行過順手就收，問都無問過，要我大聲話未飲完先放返低，整個經驗就係趕收工唔理出品唔理客人感受，我都唔算last minute坐低，咁趕收工就唔好賺我幾十蚊啦，叫我唔好入啦。到個外賣，見佢話招牌又水晶雞咁先諗住試下，佢嘅海南雞係有骨，明明我睇其他食評都唔見有骨，點解係得我盒飯係咁，我叫外賣嗰時間係4:45早過我坐低食，唔通距離收工1個鐘（講真仲有1個鐘零3個字都綽綽有餘啦）就骨都費事去？唉有骨呢樣野對我
本身只係外賣左個海南雞返屋企食，諗住係附近cafe食個tea，但間cafe截左單咁我惟有翻轉頭去返呢度坐低食個雞脾薯條tea。
個樣黎到係唔錯，雞脾大隻，薯條唔係一般曲薯條。
先食薯條，我......！真係......我未試過係茶餐廳坐低食薯條係凍嘅，好似雪櫃拎出黎咁，係炸過但攤到凍晒咁又無翻熱，都唔係，有幾條真係未炸透咁有雪味，我只係食左兩三條就無食，好難食。
然後雞脾，係大隻，但佢個粉好厚好厚，得陣粉味，入面唔Juicy亦都唔算好熱辣辣，只係微溫，雞又無雞味，失望。
我大概5:15坐低，佢收6點，兩樣野都似係就收工就費事翻熱就上枱咁。我杯凍檸茶，飲到大概搭8左右仲有半杯，個老細就行過順手就收，問都無問過，要我大聲話未飲完先放返低，整個經驗就係趕收工唔理出品唔理客人感受，我都唔算last minute坐低，咁趕收工就唔好賺我幾十蚊啦，叫我唔好入啦。
到個外賣，見佢話招牌又水晶雞咁先諗住試下，佢嘅海南雞係有骨，明明我睇其他食評都唔見有骨，點解係得我盒飯係咁，我叫外賣嗰時間係4:45早過我坐低食，唔通距離收工1個鐘（講真仲有1個鐘零3個字都綽綽有餘啦）就骨都費事去？唉有骨呢樣野對我黎講唔okay。間野當時都係得兩枱客又唔係忙。雞佢有俾啲脾位就正常滑啦，其他唔係脾位就少少實，食開海南雞見到佢皮嘅色水都知唔對路，計埋味道，只覺得係白切雞唔係海南雞。跟飯嘅湯係例湯都幾好飲，飯就無乜雞油味，如果佢話係招牌，sorry咁我要打爛佢。
間野真係太差。
張貼
