茶木‧台式休閒餐廳 (已結業)

朋友介紹中環開咗茶木，即管去試試。地方少少食品價錢，竟然同其他分店有所不同 。其實太興集團旗下，好多餐廳，都係因應該地區價錢會唔同， 例如我喺銅鑼灣食一個下午茶57蚊下午茶餐，但去到中環就竟然又貴幾蚊再要加一。 唔知將來麥當勞、南記、KFC又會唔會，因為唔同地區收費又唔同啲呢，可能喺中環食個飽都要貴一倍。 唔知係咪新開張關係，中環炸鹽酥雞粒，就比較雞肉少炸粉厚， 味道偏鹹 。 地方比較細感覺坐上佢去樓底比較矮好狹窄 感覺好侷促好似喺寫字樓入面食嘢咁。雖然有落地玻璃，但係如果你唔係坐近玻璃坐位，都係感覺唔舒服， 食完想即刻走人 。 中環服務員也笑容可恭，快手快腳。