J.S. FOODIES (又一城)

營業中

休息中

經過又一城商場唔知食乜好，見到呢間鋪出邊貼滿啤啤圖案，非常可愛，更加有唔同啤啤造型嘅食物，所以入咗去。首先揀咗個有啤啤造型嘅飲品，上面啤啤造型嘅係黑朱古力，下邊係奶茶。啤啤朱古力實在太可愛，真係唔捨得食。而且食落去其實都係比較甜嘅，應該唔會食得晒。下面嘅朱古力奶茶味道正常，亦都唔期望有咩驚喜。食物方面，點咗牛油果龍蝦沙律。沙律有唔同嘅配菜例如蕃茄仔，雞蛋同粟米，加起上嚟份量算係適中。仲有，點咗炸雞咖喱飯。炸雞比想像中大件同埋脆身，咖喱就偏向日式咖喱，甜到辣到都尚算可以，係大眾接受到嘅咖喱味道。另外，泰迪熊造型嘅仲有疏乎厘班戟，但當日就冇試度。仲要提一提大家，送嘅泰迪熊造型鎖匙扣並唔係畫面上面嘅嗰一隻，大家如果有興趣嘅話可以問一問店員睇咗先決定。