金牌小龍 (已結業)

行完一輪尖沙咀影相，囡囡話想食小籠包！黎到isquare搵到間物超所值既餐廳！間餐廳非常闊落，座位非常舒適，十分適合同朋友黎傾計聚餐👍👍👍👍金牌小龍包 5隻漲卜卜皮薄多汁爆湯，記得中間篤穿小龍飽頂部加點醋，之後一個放入口內，咬爆後湯汁口腔內濃郁久久留香，好味呀⋯⋯正🤤🤤🤤食完重要再叫🤪鹵大腸估唔到佢上枱嘅時候熱辣辣, 而且炆到好淋好入味。雞絲粉皮粉皮煙煙銀銀、爽口彈牙！加埋麻醬、青瓜同雞絲！非常開胃！糯肉燒賣 糯米飯煙煙銀銀， 口感唔錯！炸排骨麵排骨軟熟容易入口👏🏻👏🏻台式皮蛋皮蛋糖心但個汁唔太啱我口味。分量細細碟可以每樣野都嘗試下👍👍👍