中央飯店

營業中

休息中

年尾同家人團年，家人受電視節目影響話好想食懷舊菜，訂左中央飯店呢間充滿兒時回憶既餐廳，事隔15年再次幫襯，帶黎一圍15人親友團年，張枱好大，坐15個剛剛好不太逼，上菜了，炸大腸是1.5份，好酥脆，襯酸蘿蔔同甜酸汁一流。金銀蛋菠菜，蒜子上湯無得輸，霸王雞，雞肉又厚又滑，200蚊有咁大隻，物超所值。三鮮骨髓1.5份，骨髓很香滑，仲有粟米仔好爽脆。炒鮮奶，其實似炒蛋白，有帶子蝦肉腰果碎，好滑，不過油略多。咕嚕肉1.5份，非常大碟! 味道酸甜剛好，炸得香脆，唔會好厚粉。南乳齋煲，夠惹味，茄子好食。金沙奶油大蝦2份，用咸蛋黃牛油炒香，蝦好大隻，略為油膩。荔芋鴨1隻，200蚊，荔芋好香，下面有帶皮的鴨肉片，出面好少食得到。西米焗大布甸，呢個要早1日預訂，上枱已經好香，入面夾有吉士奶皇蓮蓉，唔會好甜，甜味主要來自蓮蓉，個皮有焦糖效果，15個分光光。埋單2200蚊，團年大滿足。ps 如果想食八寶鴨，糯米鴨，西米大布甸要隔日預訂。