海逸皇宮大酒樓 (已結業)

老公話今年係第一年出街團拜因為平時喺婆婆煮俾我哋食我食過兩年婆婆嘅手勢真係好好味不過大家都有同感唔想婆婆咁辛苦所以今年出街食我哋揀咗呢間酒樓食團拜餐新年嘅餐單都係咁上下不過我覺得整體來講都係唔錯嘅乳豬都夠大件，皮夠脆，肥膏唔算多我個人就幾欣賞個舊蝦丸，好彈牙隻雞都幾好味，不過老老實實真係細隻咗少少其他嗰啲新年菜式，即係發財好市嗰啲之類都係一般酒樓咁上下，不過個鵝掌就幾入味又夠大隻👍🏻另外糖水我就覺得紅豆沙入邊有湯圓都幾有誠意，究竟因為新年先有定係不嬲都有㗎呢🤔另外我平時唔食嘅笑口組佢呢個又整得幾好食，好鬆脆👍🏻不過老老實實我都係覺得婆婆整得好食啲😆