影片
更多
2012-03-04
492 瀏覽
CRUMBS o係一間開左大約兩年o既鬆餅及乳酪雪糕店最初只有銅鑼灣,尖沙咀及旺角三間分店,轉眼間已經開到八間分店店舖初期只係賣鬆餅,後來先至賣埋乳酪雪糕旺角分店獲得提名 OpenRice 優秀開飯熱店大賞 2012 最優秀開飯甜品店組別o既入圍熱店位於銅鑼灣總統戲院對面o既景隆街中央樓總店o係 OpenRice 獲得多過 200個好評,曾於2010年8月及9月獲得 OpenRice 每月好評餐廳十強,好多時行過都見門外好多人等候之前o係網站以每張$25 o既價錢買左兩張 coupon,每張 coupon 可以換到 Regular乳酪雪糕連兩款配料及鮮焗熱烘鬆餅一件或 Large乳酪雪糕連三款配料雖然呢個團購優惠冇半價咁抵,可能 CRUMBS 好有號召力,就算o係細間團間公司網站賣 coupon 都一樣吸引好多人買,呢個優惠仲成為團購網站最好賣o既優惠添!原來部份分店冇得賣鮮焗熱烘鬆餅,所以我地選左景隆街中央樓總店享用呢個團購優惠我地當晚黎到選好要乜野味道o既鬆餅同埋乳酪雪糕要乜野 topping 後,就o係門口等職員叫 number,等左大約5分鐘就有得食我地先食乳酪雪糕,之後再食鬆
CRUMBS o係一間開左大約兩年o既鬆餅及乳酪雪糕店最初只有銅鑼灣,尖沙咀及旺角三間分店,轉眼間已經開到八間分店
店舖初期只係賣鬆餅,後來先至賣埋乳酪雪糕
旺角分店獲得提名 OpenRice 優秀開飯熱店大賞 2012 最優秀開飯甜品店組別o既入圍熱店
位於銅鑼灣總統戲院對面o既景隆街中央樓總店o係 OpenRice 獲得多過 200個好評,曾於2010年8月及9月獲得 OpenRice 每月好評餐廳十強,好多時行過都見門外好多人等候
之前o係網站以每張$25 o既價錢買左兩張 coupon,每張 coupon 可以換到 Regular乳酪雪糕連兩款配料及鮮焗熱烘鬆餅一件或 Large乳酪雪糕連三款配料雖然呢個團購優惠冇半價咁抵,可能 CRUMBS 好有號召力,就算o係細間團間公司網站賣 coupon 都一樣吸引好多人買,呢個優惠仲成為團購網站最好賣o既優惠添!
原來部份分店冇得賣鮮焗熱烘鬆餅,所以我地選左景隆街中央樓總店享用呢個團購優惠
我地當晚黎到選好要乜野味道o既鬆餅同埋乳酪雪糕要乜野 topping 後,就o係門口等職員叫 number,等左大約5分鐘就有得食
我地先食乳酪雪糕,之後再食鬆餅
店舖售賣朱古力,芝士及提士鬆餅以前三款鬆餅價錢有o的唔同,提子$6, 朱古力$7, 芝士$7,不過而家劃一價錢每件$7
乳酪味道只係得原味,唔似其他乳酪店有多款味道選擇
佢地o既乳酪雪糕唔按重量計錢,令大家有預算
今次優惠o既乳酪雪糕係包兩款配料,不過其中一款係指定要香脆碎 House Crumbs,所以我地其實只係可以選一款配料我地一杯配料要藍莓,另一杯要士多啤梨
香脆碎 House Crumbs 係一款店舖獨有,自家焗製o既肉桂曲奇味配料細細粒好似餅碎咁,玉桂味好香
乳酪幾挺身,唔容易溶,據說唔加水,唔加冰有人話呢間乳酪雪糕係用雀巢牛奶公司保鮮裝牛奶(唔駛雪藏o個種)做架
若果星期六買超級杯或2個配料o既普通杯乳酪雪糕,會送多個免費配料香脆碎 House Crumbs
至於鬆餅,我地一個選左芝士,另一個選左朱古力芝士味由Parmesan製成,有好香o既牛油味
鬆餅由人手搓製,好鬆軟,唔似得其他店舖又實又硬
呢到o既鬆餅唔似得英式下午茶要塗果醬及奶油
今次呢個優惠都算抵食,雖然唔係半價,不過呢間好受歡迎o既舖頭有得以優惠價錢團購真係機會難逢
唯一唔好o既地方係店舖太細,冇位坐或者冇地方俾客人企o係度食,難怪好多人企o係店外食啦
原來中央樓會拆卸,呢間總店會光榮結業老闆應該早有預備呢間總店要結業,所以大約半年前呢條街開多另一間分店,不過隔離間分店冇得賣鬆餅喔!
張貼
