三點三冰室

營業中

休息中

好彩係圍方搵到間冰室, 係圍方食飯都偏貴, 想快靚正又唔太貴既話冰室就岩哂。哩間冰室好大又光猛, 仲有好多卡位坐得好闊落, 企理舒服。妙齡乳鴿 ($62)好香口, 肉都幾嫩唔會太乾。瑞士雞翼 ($62)瑞士汁香甜煮到入哂味。夠薑牛肉炒飯($62)真係好夠薑! 入口仲食到粒粒薑既口感, 成個飯炒得好香。西冷牛扒 ($128)連埋日式粟米湯, 個湯好厚身下! 鐵板上牛扒大件夠厚, 表面焦焦地入面岩岩好5成熟, , 肉好腍!蜂蜜紅豆西多($45)邪惡之選. 即叫即炸咬落去又脆又鬆軟, 蜜糖同紅豆既香甜加埋牛油超肥仔~~