Coffee Hwajeon 커피화전

營業中

休息中

每次去圓方都感覺好Grand，有間韓式Cafe卻別樹一格，主打小清新感覺，食物價格相宜、環境舒適，難怪平日晚上都座無虛席。蜂蜜炸雞 $125————————————採用無骨雞肉，方便進食，外皮炸得香脆，雞肉仍然嫩滑多汁，加上蜂蜜味粉，入口甜甜好過癮🍗烤牛肉紫菜包飯 $92————————————經典嘅韓國飯卷，令我置身野餐嘅感覺，蛋、蘿蔔、芝麻等等材料，加上烤牛肉，既清新又豐富不單調。伯爵茶布甸牛角包窩夫 $145————————————爆邪惡嘅甜品🍮🧇伯爵茶布甸係意想不到地香濃，茶味重，一小口已經好香伯爵茶味。兩大塊Croffle夾住厚厚嘅Cream，邪惡到爆🫣仲要加埋雪糕🍦食完肥咗1kg但值得。咖啡三步曲 $65————————————掙扎咗一陣夜晚好唔好飲咖啡，奈何依個Triple真係太吸引，結果夜晚唔洗瞓🫡包括有Espresso, Crema, Latte，1Set滿足咖啡迷三個願望。