影片
更多
2018-08-02
91 瀏覽
平時行經呢度, 都好想去試下, 今晚終於一嚐所願, 黎個日式 Shabu Shabu 晚餐 一上到去 1 樓, 一出電梯, 就會見到用好多許願牌佈置嘅 Reception 位｡餐廳座位都比較寬敞, 檯同檯之間都唔會擺到好迫｡醬料 + 日式小食區: 醬料款式有好多, 連辣椒七味粉同胡椒海鹽都有 而日式小食就有 7 款｡火鍋食品自助區: 主要都係提供各式蔬菜同丸類, 款式夠晒多｡自助天婦羅區: 餐廳另一賣點, 就係自己落手整天婦羅｡ 雪櫃擺放左 15 款天婦羅食材, 揀左食材後, 可以沾上炸漿 & 麵包糠, 然後就可以放落去炸, 簡單好玩 今次決定食豪D, 所以 Order 左最貴果款, 國產黑毛和牛套餐 $368, 主打食日本國產黑毛和牛, 湯底揀左鰹魚昆布清湯｡ A4黑毛和牛肩肉、A4 黑毛和牛肉眼上蓋、A4 黑毛和牛三角腩: 齋睇顏色同油脂比例就知係正野啦 牛肩肉脂肪較少, 由於係薄切, 所以淥幾秒就已經食得, 肉味較重｡ 肉眼上蓋肉質較腍, 口感好嫩滑｡ 三角腩肉質較瘦, 帶有筋, 又稍帶肥肉, 所以食起黎比較有咬口｡ 牛白肉、牛柳粒: 牛白肉全身帶透白, 睇上去以為係脂肪,
一上到去 1 樓, 一出電梯, 就會見到用好多許願牌佈置嘅 Reception 位｡
餐廳座位都比較寬敞, 檯同檯之間都唔會擺到好迫｡
醬料 + 日式小食區: 醬料款式有好多, 連辣椒七味粉同胡椒海鹽都有 而日式小食就有 7 款｡
火鍋食品自助區: 主要都係提供各式蔬菜同丸類, 款式夠晒多｡
自助天婦羅區: 餐廳另一賣點, 就係自己落手整天婦羅｡ 雪櫃擺放左 15 款天婦羅食材, 揀左食材後, 可以沾上炸漿 & 麵包糠, 然後就可以放落去炸, 簡單好玩
今次決定食豪D, 所以 Order 左最貴果款, 國產黑毛和牛套餐 $368, 主打食日本國產黑毛和牛, 湯底揀左鰹魚昆布清湯｡
A4黑毛和牛肩肉、A4 黑毛和牛肉眼上蓋、A4 黑毛和牛三角腩: 齋睇顏色同油脂比例就知係正野啦 牛肩肉脂肪較少, 由於係薄切, 所以淥幾秒就已經食得, 肉味較重｡ 肉眼上蓋肉質較腍, 口感好嫩滑｡ 三角腩肉質較瘦, 帶有筋, 又稍帶肥肉, 所以食起黎比較有咬口｡
牛白肉、牛柳粒: 牛白肉全身帶透白, 睇上去以為係脂肪, 但原來係近胸骨的軟骨位, 灼熟後口感好爽脆｡ 牛柳粒肉味濃, 而且越淥越淋身｡
美國自然豚肉片、羊肉
海鮮盛合: 有蝦、蠔、墨魚串、青口、帶子、象拔蚌
花膠、蝦滑、墨魚滑: 第一次聽到有餐廳提供花膠任食
手切牛肉: 1 周年祭每檯送一碟
刺身: 有多達 13 款刺身, 只要惠顧 $238 或以上嘅套餐就可以任食刺身｡
甜品區: 除左有蜜瓜雪條同雪糕三文治外, 仲有 3 款味道 (芒果、綠茶、雲呢拿) 雪米糍任食｡
Movenpick: 結帳時每人會派發一杯
張貼
