影片
更多
2020-05-23
574 瀏覽
今日係IFC行完街就去咗 4 樓既花園平台食晚飯，花園平台有三間餐廳，最後就揀咗呢間，餐廳對出既花園平台都幾好 Feel 影相都唔錯。因為落雨同有啲熱既關係，所以户外座位都無咩人坐，餐廳內裏既面積比較的骰，不過都有兩個窗邊位，窗邊位可以遠眺中環 AIA 摩天輪及尖沙咀海旁景色。餐牌種類幾多元化有泰、日、韓、美、串燒等等，而且以中環既商場嚟講，價錢真係相當經濟抵食，叫咗香脆粟米櫻花蝦、韓式辣醬烤豬肉意粉、香草沙冰、香草士多啤梨多士。香脆粟米櫻花蝦 ($88) : 以為係粟米櫻花蝦蝦餅，點知原來只係炸粟米同櫻花蝦，不過上枱已經香氣撲鼻，粟米粒亦好鮮甜，食落唔似罐頭粟米粒；櫻花蝦又香又脆口，呢款又可以做埋飲啤酒既小食。😋韓式辣醬烤豬肉意粉 ($128) : 本身朋友想叫黑胡椒醬烤雞炒意粉，但好似好多地方都有呢個，所以最後點咗韓式辣醬烤豬肉意粉 ; 意粉份量好大碟之剩材料亦好豐富，加上辣醬辣得幾惹味，味道一流。香草沙冰 ($58) : 味道都唔錯，不過略為細杯咗少少。香草士多啤梨多士 ($78) : 估唔到咁好食 😍 本身都以為啲多士會好硬，點知多士不但厚身之剩重好軟熟，而且最關鍵係餐廳用嘅蜜
因為落雨同有啲熱既關係，所以户外座位都無咩人坐，餐廳內裏既面積比較的骰，不過都有兩個窗邊位，窗邊位可以遠眺中環 AIA 摩天輪及尖沙咀海旁景色。
餐牌種類幾多元化有泰、日、韓、美、串燒等等，而且以中環既商場嚟講，價錢真係相當經濟抵食，叫咗香脆粟米櫻花蝦、韓式辣醬烤豬肉意粉、香草沙冰、香草士多啤梨多士。
香脆粟米櫻花蝦 ($88) : 以為係粟米櫻花蝦蝦餅，點知原來只係炸粟米同櫻花蝦，不過上枱已經香氣撲鼻，粟米粒亦好鮮甜，食落唔似罐頭粟米粒；櫻花蝦又香又脆口，呢款又可以做埋飲啤酒既小食。😋
韓式辣醬烤豬肉意粉 ($128) : 本身朋友想叫黑胡椒醬烤雞炒意粉，但好似好多地方都有呢個，所以最後點咗韓式辣醬烤豬肉意粉 ; 意粉份量好大碟之剩材料亦好豐富，加上辣醬辣得幾惹味，味道一流。
香草沙冰 ($58) : 味道都唔錯，不過略為細杯咗少少。
香草士多啤梨多士 ($78) : 估唔到咁好食 😍 本身都以為啲多士會好硬，點知多士不但厚身之剩重好軟熟，而且最關鍵係餐廳用嘅蜜糖超級正，誠意推介呢款甜品。👍🏻
張貼
