正斗粥麵專家 (國際金融中心商場)

營業中

休息中

朋友唔係好舒服，想食啲粥清清腸胃。中環食粥嘅地方又唔係好多，所以都揀咗呢間。價錢有少少貴，不過坐得舒服。餐廳等位嘅時間比較耐，可能由於中午人多嘅關係，最後等左三四個字先入座。魚片瘦肉粥，份量都幾大嘅，用料有魚片、瘦肉，熱辣辣，要攤凍先食得。賣相正常，價錢七十蚊到，比出面貴，值唔值就見仁見智。但以國金入面咁餐廳嘅價錢來講叫做相對平民。魚湯河粉，美味可口，但賣相有啲頹。而且，對於男仔來講，可能份量就唔係好夠啦，要加啲小菜或者點心，加雲吞都係唔錯既配搭。最後黎碟乾燒伊面，咁多碟菜入邊相對價錢貴嘅，盛惠＄110。份量相對大，啱兩個人食。乾燒伊面唔算好油膩，味道都唔錯，亦勝在唔會好鹹，加啲辣椒醬食就非常入味。