壽司郎 (T Town South)

營業中

休息中

曾經踏足過黃埔、佐敦、黃大仙、藍田同埋屯門分店嘅壽司郎！今日就嚟到天水圍啦！小弟真係可以話係壽司郎嘅fans，真係意想不到喺度開！首先講吓環境先！個環境都算闊既！樓底都比較高！不過就比較之前嘅分店嘈吵啲啦！至於食物質素方面，小弟就覺得比起我之前食過嘅分店就差啲啦！首先賣相方面就真係有少少唔理想！我見到有件軍艦，放得真係唔好，然後反轉咗！我自己都叫咗少少軍艦，紫菜有少少林！吞拿魚新鮮係差其他分店少少，但仍然可以接受！至於有個牛油果卷，就不過不失！服務方面都有啲唔理想！出現送錯餐！同埋點餐後冇嚟過嘅嘢食，都話送咗餐，相信係系統問題！希望盡快改善！避免引起不必要嘅誤會！