御 ‧ 家上海

營業中

休息中

新年假期最後一日嘅年初四去咗拜完車公廟，附近就喺圍方搵嘢食，最後揀咗御家上海。行過問睌市，6:00開始派位，6:30就入座。大約6:20去攞飛已經成個門口都係人，好彩最後都可以第一round就安排入座。因為唔太肚餓，ordered 豆腐,脆煎小籠包,黃魚煨麵,蝦球鍋巴。豆腐係炸過所以有少少油膩。食上海野小籠包一定要order。呢間餐廳有少少特別嘅係脆煎灌湯小籠包，其實係蒸小籠包再好似煎餃咁煎個底，小籠包入邊都好多湯汁。雪菜黃魚煨麵，清清淡淡，起晒魚肉，麵係我喜歡嘅少少煙韌感。乾燒蝦球鍋巴，比較辣同比較鹹，鍾意濃味嘅可能會覺得好惹味。每樣餸上枱都係熱。但可能假期好多人排隊，所以waitress and waiter 都好似趕住收枱上面啲碟。