影片
更多
2023-04-06
436 瀏覽
睇戲之前，順便去戲院隔離嘅西餐廳Alimente食dinner。睇完menu，發覺呢度應該係主打健康，有main, pasta & rice, power bowl等選擇。我哋揀咗2個set, 再加一份小食。喺收銀處付款先，之後再搵位坐，店員會送餐。餐廳有兩個area可以坐，揀咗比較入面嘅area。環境安靜，帶點復古feel，幾啱傾偈。晚餐時段+$30就可以升級做套餐，可以揀沙律/餐湯，仲有一杯果茶/咖啡/茶/汽水。我哋揀咗一個餐湯同一個沙律，餐飲揀咗果茶。是日果茶係冰糖雪梨，都幾潤喉，無冰很好。餐湯係田園蔬菜湯，幾濃郁！沙律都幾大份，好新鮮！仲有兩塊烘得好脆嘅麵包，加埋少少牛油🧈，正！深海魚扒配烤菜 $158見到係👍🏻推介，就一於試下。魚肉都幾嫩滑，一啲都唔乾，魚皮香脆，夾埋上面嘅蒜粒一齊食都幾惹味！烤菜有好多款，有平時比較少食嘅椰菜仔，蔬菜香甜又健康！芝士脆雞意式包配薯條 $128有兩塊雞扒夾喺包入面，加埋大量蔬菜，仲有流心芝士，好吸引😋 等咗一陣先切開一半分享，脆雞仍然係熱嘅，雞肉仲幾juicy，配埋意式包都幾好食！薯條香脆，幾有薯味！美式傳統香腸薯蓉（配洋蔥香菌汁）$63見到相
睇完menu，發覺呢度應該係主打健康，有main, pasta & rice, power bowl等選擇。我哋揀咗2個set, 再加一份小食。喺收銀處付款先，之後再搵位坐，店員會送餐。
餐廳有兩個area可以坐，揀咗比較入面嘅area。環境安靜，帶點復古feel，幾啱傾偈。
晚餐時段+$30就可以升級做套餐，可以揀沙律/餐湯，仲有一杯果茶/咖啡/茶/汽水。
我哋揀咗一個餐湯同一個沙律，餐飲揀咗果茶。是日果茶係冰糖雪梨，都幾潤喉，無冰很好。餐湯係田園蔬菜湯，幾濃郁！沙律都幾大份，好新鮮！仲有兩塊烘得好脆嘅麵包，加埋少少牛油🧈，正！
深海魚扒配烤菜 $158
見到係👍🏻推介，就一於試下。魚肉都幾嫩滑，一啲都唔乾，魚皮香脆，夾埋上面嘅蒜粒一齊食都幾惹味！烤菜有好多款，有平時比較少食嘅椰菜仔，蔬菜香甜又健康！
芝士脆雞意式包配薯條 $128
有兩塊雞扒夾喺包入面，加埋大量蔬菜，仲有流心芝士，好吸引😋 等咗一陣先切開一半分享，脆雞仍然係熱嘅，雞肉仲幾juicy，配埋意式包都幾好食！薯條香脆，幾有薯味！
美式傳統香腸薯蓉（配洋蔥香菌汁）$63
見到相好吸引，有3條英式香腸，都幾香幾juicy。薯蓉份量好多，超級幼滑，好creamy！
呢度食物整體都好唔錯，店員服務態度仲好好，價錢又合理。嚟開附近睇戲，仲可以買食物入戲院食，又或者買外賣去西九野餐都幾好👍🏻
張貼
