影片
更多
2009-10-28
18 瀏覽
昨天，朋友為我補祝生日。諗了一個星期都還是決定不了到那用餐，因為唔想食太普通既嘢，想試新嘢。問了朋友去過圓方未，原來大家都未去過，而且於網上食評發現圓方有很多美食，所以就決定都圓方用餐。我們去到後走完一圈後，決定到這一間食。（因為大部份食店價格驚人，朋友唔係搵好多，免得劏佢一頸血。）這間店有三個價錢的set可以選擇，分別係$88, $168及$238（唔係好記得係咪咁既價錢，$88就一定啱。）。$88有飯餐同麵餐；$168有前菜、餐湯、主菜同是日甜品；$238同$168一樣，只係主菜唔同。$88餐可以加$30連餐飲同是日甜品；$168及$238餐可以加$15包鮮果汁、咖啡或茶。我地揀咗一個$88牛肉麵餐同一個$168八寶嫩鴿餐，侍應問我地邊個食乜餐，我朋友同佢講話我地想share，咁佢就話幫我地分開兩份。但係我地冇諗過佢幫我地由餐湯到麵都分開兩份，真係幫咗我地唔少。講番d食物，先嚟$168餐前菜，我地揀咗中式既蜜豆豆腐跟什菌沙律（個名唔知有冇記錯），兩個都係凍食。個沙律同豆腐都係酸酸地幾開胃。跟住嚟咗個是日滋湯，噚晚係南瓜湯。個湯又熱又濃，唔係水汪汪，好有南瓜香。之後就嚟咗個牛肉麵，個
我們去到後走完一圈後，決定到這一間食。（因為大部份食店價格驚人，朋友唔係搵好多，免得劏佢一頸血。）
這間店有三個價錢的set可以選擇，分別係$88, $168及$238（唔係好記得係咪咁既價錢，$88就一定啱。）。$88有飯餐同麵餐；$168有前菜、餐湯、主菜同是日甜品；$238同$168一樣，只係主菜唔同。$88餐可以加$30連餐飲同是日甜品；$168及$238餐可以加$15包鮮果汁、咖啡或茶。
我地揀咗一個$88牛肉麵餐同一個$168八寶嫩鴿餐，侍應問我地邊個食乜餐，我朋友同佢講話我地想share，咁佢就話幫我地分開兩份。但係我地冇諗過佢幫我地由餐湯到麵都分開兩份，真係幫咗我地唔少。
講番d食物，先嚟$168餐前菜，我地揀咗中式既蜜豆豆腐跟什菌沙律（個名唔知有冇記錯），兩個都係凍食。個沙律同豆腐都係酸酸地幾開胃。跟住嚟咗個是日滋湯，噚晚係南瓜湯。個湯又熱又濃，唔係水汪汪，好有南瓜香。之後就嚟咗個牛肉麵，個麵幾得意架。佢個麵係成個咁，唔散開，有一面好似飯焦咁，脆脆地。牛肉好大塊，不過加埋得三塊。係食緊既時候隻鴿就嚟咗，個皮都幾脆，d肉好嫩，入面包咗栗子、雲耳、瑤柱等等。最後就係是甜品，係桃芭菲同綠茶慕絲，個芭菲d桃味好突出，但係好凍。個綠荼就唔錯，好有綠味又唔會太多，但係朋友話有d苦，但係我就覺得啱啱好。
整體嚟講，環境很好、很靜，十分適合情侶約會談心，侍應很殷勤，態度良好，餐點又美味。價錢以圓方嚟講，算係幾抵。不過美中不足就係食物份量比較細，我地兩個女仔都唔係好飽。最可惜係個電話冇電，唔可以影番d靚相。
張貼