影片
更多
2023-04-07
195 瀏覽
之前我堂食過呢間餐廳，覺得好唔錯，今日途經呢度，決定買外賣返屋企同家人分享。佢啲嘢食即叫即做，等一陣間就外賣到手。海鮮三重奏Seafood goodness bowl $128呢個super bowl 好多料，色彩繽紛，令人睇見好開心。有魚柳，魷魚，大蝦，，椰菜花，西蘭花，毛豆，紅蘿蔔，沙律菜，藜麥，杏仁片等等，將材料撈勻一齊食，口感豐富。我揀咗雜錦飯底，紫菜絲加上芝麻撈飯加上少少燒汁同埋沙律醬，好有日式味道。所有套餐加$30就會有沙律/湯同埋飲品，其實抵食，但係我今日外賣費事麻煩所以冇加。海鮮冬陰蕃茄意粉seafood Tom yum pasta $128個意粉微辣，冬陰功嘅香味幾出，加埋青檸汁，泰式味道出晒嚟，海鮮都幾豐富，有青口，蝦同埋魚肉，意粉質地做得軟硬適中，好掛汁。牛油果慢煮雞肉墨西哥卷Avocado slow cook chicken Mexican roll $78呢個小食熱辣辣，墨西哥卷個皮焗到少少香脆，勁多雞粒同芝士，一咬就會拉絲，牛油果香滑軟綿，仲有啲青椒粒，成個卷好惹味，材料好多好充實，爆曬餡，好味又飽肚。英式傳統香腸薯蓉British sausage with
之前我堂食過呢間餐廳，覺得好唔錯，今日途經呢度，決定買外賣返屋企同家人分享。佢啲嘢食即叫即做，等一陣間就外賣到手。
海鮮三重奏Seafood goodness bowl $128
呢個super bowl 好多料，色彩繽紛，令人睇見好開心。有魚柳，魷魚，大蝦，，椰菜花，西蘭花，毛豆，紅蘿蔔，沙律菜，藜麥，杏仁片等等，將材料撈勻一齊食，口感豐富。我揀咗雜錦飯底，紫菜絲加上芝麻撈飯加上少少燒汁同埋沙律醬，好有日式味道。所有套餐加$30就會有沙律/湯同埋飲品，其實抵食，但係我今日外賣費事麻煩所以冇加。
海鮮冬陰蕃茄意粉seafood Tom yum pasta $128
個意粉微辣，冬陰功嘅香味幾出，加埋青檸汁，泰式味道出晒嚟，海鮮都幾豐富，有青口，蝦同埋魚肉，意粉質地做得軟硬適中，好掛汁。
牛油果慢煮雞肉墨西哥卷Avocado slow cook chicken Mexican roll $78呢個小食熱辣辣，墨西哥卷個皮焗到少少香脆，勁多雞粒同芝士，一咬就會拉絲，牛油果香滑軟綿，仲有啲青椒粒，成個卷好惹味，材料好多好充實，爆曬餡，好味又飽肚。
英式傳統香腸薯蓉British sausage with mash $63
啲薯蓉好香滑，配上洋蔥野菌汁，好惹味。香腸都唔錯，唔係cheap 腸。
原來餐廳的食物可拎入餐廳旁邊的戲院進食，以後黎圓方睇戲可以食住好嘢睇。另外，去M+ 出面野餐都可以响度買外賣。
張貼
