椰子樹泰國餐廳 (已結業)

久唔久會經過但從未試過，所以今晚約好兩個朋友三人一齊試試呢間泰國餐!結果冇失望!仲搵到我覺得值十分嘅菠蘿海鮮炒飯!材料充足,唔油膩,賣相吸引。味道夠鑊氣,海鮮魷魚蝦鮮味配上帶有少少酸但甜的菠蘿,真係好開胃。海南雞半隻：肉身夠嫩滑，雞味亦唔錯,連雞皮食埋都唔覺油膩！沙嗲雞串燒： 雞肉燒得幾香,沙嗲汁有一粒粒花生加添口感!紅咖喱雞拼搏餅：又係雞！咖喱味道中和, 不太辣及夠thick. 我最喜歡係個薄餅！應該係我在港食過最有質素的。出來時熱辣辣,非常香牛油味但食落不會感覺油膩。口感超鬆化！整體服務及環境都非常好。