北海道牧場餐廳 (已結業)

中午時間喺尖沙咀開飯話難唔難，不過如果喺廣東道海港城一帶唔想食咁貴嘅話其實選擇真係唔多，一係大X樂，一係老麥，再唔係就去新港地底，不過早幾日同事就帶咗我去新港中心樓上嘅一間茶餐廳，價錢算係平，不過成件事就有啲離譜。當然明白圖片只供參考是王道，不過真係估唔到離譜得咁緊要。話說我要咗個叉燒蛋飯，幅相都真係見到啲叉燒嘅size係正常嘅，有幾片兼厚砌，點知出到黎真係嚇死我，啲正常叉燒變晒小兒麻痹症叉燒，唯一不變就係啲白飯，真係估唔到香港都有啲咁嘅餐廳！如果大家想挑戰下自己嘅接受能力，不妨去試吓，記住一定要叉燒蛋飯，因為我其他同事嗌嗰啲嘢係正常嘅，係我中了伏。