Chef's Stage Kitchen (西菁街)

營業中

休息中

今日同朋友嚟到元朗呢間Chef's Stage Kitchen食團年飯，無論環境定食物都唔錯😛我地點咗香煎白鱈魚配刁草忌廉汁、黑松露薯蓉、露筍、法邊豆同蕃茄粒🐟鱈魚煎得啱啱好，外皮香脆，魚肉嫩滑😍黑松露薯蓉香滑得嚟帶少少松露嘅香氣，露筍同法邊豆都好爽脆，成個配搭好平衡。另外，我地仲試咗🦀鮮藍蟹肉及露筍燴意大利飯配鮮蝦頭膏😛蟹肉鮮甜，露筍爽脆，意大利飯煮得啱啱好，唔會太軟又唔會太硬，每一粒飯都吸收晒蟹肉同蝦頭膏嘅精華，味道濃郁。我地仲加錢升級咗兩個主食做套餐，配咗煙鴨胸沙律同酥皮周打魚湯🫕鴨胸肉質嫩滑，沙律菜新鮮爽脆，食落好清新。酥皮周打魚湯係即叫即製，酥皮焗得金黃香脆，湯底濃郁得嚟帶少少魚嘅鮮味，飲落好暖胃。