陶源酒家 (已結業)

年近歲晚，真係忙到爆炸~ 仲要遇到個爆人，難免令人更加火爆~ 因為之後d同事開始一個一個放年假，因此，我o地就提早食團年飯，本來想去試新o野，但俾同事反對，唯有試一d有保證o既新o野~何謂有保證? 就係試過，試過又點可以叫新o野? 冇話唔得，只需要試過同集團，而又未試過間分店，就可以做到有保證o既新o野，上次收炸彈時，食過灣仔間陶源，質素唔差，所以今次試下上環~煎腸粉一行11人，點心又唔係件件都有份食... 不過最吸引我o既係煎腸粉，接近炸o既程度，好香口，好好味~豆苗餃皮好薄，仲好易爛，上樓隻隻都爛，唔靚仔，但味道ok~奶皇包有古古力o向面，入面有奶皇，流質，幾好味~唔知咩炒飯炒得乾身，但好硬，我e d軟飯王最唔鍾意食硬飯~唔知咩炒麵好油好滯服務差，係一般酒樓o既通病，冇人理，亦係一般酒樓o既通病，如你覺得冇問題，而又唔介意佢比其他酒樓再差少少... 其實... 冇咩問題...後記︰之後有小二打電話o黎話我o地張檯留o左張credit card，又冇簽就走o左... 我講o左好多次唔係，最後要我講我o地簽card o既card holder名，佢仲要問我幾次先收線。我相信留底張卡o既