龍皇酒家 (世貿中心) (已結業)

年初十啦，最後一Group團拜；之後就收齊利是，可以準備好利是囉今日團拜地點係龍皇酒家，因為Book左枱，又一早已有人到，所以都係直入。一坐底，先係準備收派利是，禮盒；交換晒之後就睇菜單啦。其實親友都已經劃左小量點心；我再劃多D都係炸點既多。結果我坐果枱既人都係後生D，十碟有9碟係炸野隔離果枱就大多數老人家，全部都係蒸野。真係好彩冇坐錯枱，坐左隔離就冇啖好食啦。我最鍾意脆麻花好好味，跟住燒腩仔都好正，泡飯又係好好味；其他其實就不過不失，親友話生煎包同蔥油餅好好味的，但我覺得一般。點品比較少囉，我仔竟然冇岩心水的，真係少有。同埋都唔平，2圍枱，大約24個人；當中有4個小朋友。20個大人，每人要180蚊，即係Total都要3600；但實在，其實都唔係叫左好多野食；因為我冇留意單價，所以唔知確實幾錢，但叫既量真係唔多，我會覺得Endup咁既價係幾貴。