影片
更多
2011-12-28
1943 瀏覽
為老爸慶祝生日 唔想好似年年一樣食自助餐 所以係團購網用$462買左呢到既佛跳牆餐說實話 位於灣仔既香港華美粵海酒店非一線酒店 以前唔好話食直頭黎都未黎過 所以唔知食物品質如何 再者我地用團購優惠而之前既食評又冇相關資訊喎 因此一開始係有少少擔心呢到既服務同食物品質不過 今日我可以話比大家聽我既憂慮絕對係誤解!位於3樓既中餐館地方唔大 我地六點到達時並唔full 只有兩台客人 直到我地食完既時候全場都只係得四五台客人 感覺我地半包左半場一樣 呵呵xd入正題講食物佛跳牆餐共有8個courses + 一人一小杯紅酒我地三人坐定落黎後 立即送上當晚第一道棻 野生松茸燉響螺呢個燉湯味道相當濃郁 全因材料豐富 一眼望落去已經見兩條大大舊既深黑色松茸 再加上冬菇~堯柱~響螺~好多好多野 呢個唔係今餐戲玉 但用料絕不戲場! 加上個晚食完不口渴 可見是慢功既出品而唔係味精作怪~作為一晚既開始 呢個湯絕對無可挑剔當我地飲完燉湯 今晚第二道棻亦係今晚既重頭戲~佛跳牆好快就送上我地既眼前!!! 未打開個沙窩已經聞到香味 認真!真係香氣迫人XD一打開個沙窩 最吸引我既當然係隻"45頭" 鮑魚啦~ 其他材料有花
說實話 位於灣仔既香港華美粵海酒店非一線酒店 以前唔好話食直頭黎都未黎過 所以唔知食物品質如何 再者我地用團購優惠而之前既食評又冇相關資訊喎 因此一開始係有少少擔心呢到既服務同食物品質
不過 今日我可以話比大家聽我既憂慮絕對係誤解!
位於3樓既中餐館地方唔大 我地六點到達時並唔full 只有兩台客人
直到我地食完既時候全場都只係得四五台客人 感覺我地半包左半場一樣 呵呵xd
入正題講食物
佛跳牆餐共有8個courses + 一人一小杯紅酒
我地三人坐定落黎後 立即送上當晚第一道棻 野生松茸燉響螺
呢個燉湯味道相當濃郁 全因材料豐富 一眼望落去已經見兩條大大舊既深黑色松茸 再加上冬菇~堯柱~響螺~好多好多野 呢個唔係今餐戲玉 但用料絕不戲場! 加上個晚食完不口渴 可見是慢功既出品而唔係味精作怪~
作為一晚既開始 呢個湯絕對無可挑剔
當我地飲完燉湯 今晚第二道棻亦係今晚既重頭戲~佛跳牆好快就送上我地既眼前!!! 未打開個沙窩已經聞到香味 認真!真係香氣迫人XD一打開個沙窩 最吸引我既當然係隻"45頭" 鮑魚啦~ 其他材料有花膠,鹿根,冬菇,海參,帶子同娃娃棻 正如圖中所見 所有食材SIZE都好大粒!
味道方面 鮑魚固然煮得既入味又軟硬適中 但不妨直說我個人唔太識食貴野 但我依然覺得呢個佛跳牆非常不錯! 因為當中既山珍海味同樣極高水準!
鹿根既口感似牛根 但獨特既'鹿香'令人一試難忘
幾種海味中 我最鍾意食帶子 個人一向愛食海鮮(呢到指帶子) 但有啲餐廳會煮得太過淋太過散 而呢到既夠結實夠大粒 濃烈既湯汁又唔會搶走本身既天然鮮味 兩者洽到好處! 就連毯低既娃娃棻吸哂濃湯後都變成一流既送飯佳品!XD
食完佛跳牆後上棻既速度就慢左落黎了同呀媽呀爸傾吓講吓都等左十幾分鍾先上之後既幾道菜
黑松露炒鮮蝦球: 聞落有一陣陣既'菇'味~相信係蝦仁上既黑松露發出的 但奇怪食落又唔覺有黑松露味喎
紅酒燴牛尾: 牛尾夠淋 不過不失啦 覺得同食buffet個啲無咩分別
礦泉水煲菜遠: 間場用~無話可說....睇圖吧
又等左大約15分鐘 正當我地三人食完個幾條清淡到無淪既菜心後 以為當晚應該冇咩特別野啦 誰知單尾黎個反高潮 是高水準既生炒臘味糯米飯~ 點解話佢高水準呢 因為飯粒上邊只有薄薄一層油脂 岩岩好為炒飯帶上一陣油香 而絲毫沒有油膩感 最怕出邊食啲生炒糯米飯食到好似豬油撈飯咁真係睇見都怕 而呢到既糯米飯唔單止睇落清新 臘味粒都比得足 飯粒分明色澤平均 食一口 火候十足 臘味香充滿了每一啖飯 真係完全停唔到口 就算飽 依然將這飯吃得清光為止 真係一碗真功夫既生炒糯米飯!!!
到甜品環節 包括蛋白杏仁露+糕點 有位部長話呢個杏仁露係名物之一食落係唔錯 入邊有好多蛋白花 杏仁味唔算好濃烈 就算我一向唔好杏仁陣味我都覺得好易入口 不過係未好食到稱為名物呢~ 真係見人見志喇
呢餐一共八個菜 團購價只係$462 大部份菜色都好食尢其係個燉湯同佛跳牆 我認為真係扺到無得再扺囉!!!以前係富豪飯局同埋呀一食過類似既佛跳牆宴 平均一位都要過千
但主角佛跳牆卻冇呢到既咁大窩咁足料!!! 因此我對呢一餐相當滿意
我會比呢間餐廳一個極高既分數
可以的話 真係要再黎呢到食吓其他唔同既菜色 再有團購就最好啦xdxd
張貼
