和光鐵板燒日本料理 (已結業)

眾所周知，團購的質素參差，即使是享負盛名的餐廳搞團購，質素也會打一個折扣，爭在是多少折扣。但食過今次的團購放題之後，發覺市面仍有良心企業！兩年前係呢到食過一次正價放題，200幾蚊，今次加一埋單190蚊，見上次食得咁滿足一於支持下個團購！團購限左時段係下午６－８點，６點準時入到去就有人帶我地去坐低，我地２個人比左張４人枱我地，環境一流，餐廳唔會過於嘈雜，食得舒服又傾得舒服，冷氣通風都好足夠，唔會燒到同埋食到一頭汗。講返食物，首先送左每人一隻虎蝦，幾爽口，燒完之後點下啲山葵十分惹味，之後就叫左刺身，刺身屬一般貨色，但還可接受，當等緊啲生肉熟可以用黎攝下牙喇。推介的有一口牛，唔使燒好耐就熟，而且好夠肉汁，口感一流！帶子都值得叫，不過要燒耐啲先好食啊，至於豬味道一般就唔好叫太多，除非你好鍾意。我落咁多張單就黎足咁多野食，絕無漏單，值得一讚！總括黎講今次食得好開心，亦都對團購質素一定差的觀念改變，因為以前中得太多伏，呢篇係我係openrice的第一篇食評，因為今次的團購體驗我好滿意，所以特別去寫一份食評讚下和光，同埋介紹各位網友一試，雖然團購完左，但既然佢收人團購價錢都無偷工減料，比得正價既一定