潮食街 (已結業)

買團購劵去食嘅，5大2小(小朋友4歲)，訂位嘅時候話小朋友3歲以上要收費，不過去到現場waiter話唔緊要，唔使收，結果淨計大人同加一，所以好抵。講返食物質素，款式唔算好特別，不過都算多款揀，睇你鐘意多款定特色野，如果只求味道唔計獨特程度，呢度熱食加加埋埋有成三，四十款，可以了。其中個燉湯一定要試，係唔錯嘅!冷盤方面，蟹腳，螺，凍蝦，青口都有，不過唔算好好味，但係以呢個價錢計，夠好了!甜品方面，最特別嘅係有山楂餅同加應子。至於朱古力噴泉，就真係算把啦。另外，如果有人生日，訂位時同佢地講，佢地會準備蛋糕俾你，仲會幫你寫埋名。But, 蛋糕係甜品區有供應嘅款式，如果但求影個相，ok。 真係想食蛋糕嘅，請自備啦！