影片
更多
2013-09-01
1017 瀏覽
網上團購唔係每樣嘢都咁抵，有幾次買咗仲頂住度氣添！唔係貨不對辦，就係去兑換時屈你買多d...見過一次仲離譜，女裝拖鞋團購價要$48/對，但隨街都係賣$29/對，乜d團購商當人蠢到咁都得架？我當然冇買啦!而家每當想買飲食團購時，都必定去OpenRice睇吓人哋嘅食評先，雖然人人口味唔同，但都可以對該食肆嘅食物質數及服務態度等，多一啲了解。睇完OpenRice對Burger Mix嘅評語，都唔係好差噃! 咁就買2張佢嘅Groupon先。 每逢放假，都會周圍去行吓食吓，今曰就順便去埋食Burger Mix。 嚟到北角港運城地庫嘅food court，人流唔算多，大多數係退咗休嘅老人家坐喺度食嘢，冷氣都幾大，凍到騰騰震，快快趣揾Burger Mix先。磨菇芝士和牛漢堡餐，團購價只需$35可選任何飲品，但正價就要$47，特色飲品再加$2。 揀好飲品就放低coupons，另外再叫多個魚柳包餐，$32+特飲$2。 等開餐啦...由於係即叫即整，要等十幾分鐘... 終於到啦！和牛漢堡包同薯角都非常熱辣辣，真係小心熨口呀！ 大大個滿佈芝麻嘅漢堡好好味，牛肉味濃又好juicy，一路食埋d芝士磨菇，好正！
見過一次仲離譜，女裝拖鞋團購價要$48/對，但隨街都係賣$29/對，乜d團購商當人蠢到咁都得架？我當然冇買啦!
而家每當想買飲食團購時，都必定去OpenRice睇吓人哋嘅食評先，雖然人人口味唔同，但都可以對該食肆嘅食物質數及服務態度等，多一啲了解。
睇完OpenRice對Burger Mix嘅評語，都唔係好差噃! 咁就買2張佢嘅Groupon先。
每逢放假，都會周圍去行吓食吓，今曰就順便去埋食Burger Mix。
嚟到北角港運城地庫嘅food court，人流唔算多，大多數係退咗休嘅老人家坐喺度食嘢，冷氣都幾大，凍到騰騰震，快快趣揾Burger Mix先。
磨菇芝士和牛漢堡餐，團購價只需$35可選任何飲品，但正價就要$47，特色飲品再加$2。 揀好飲品就放低coupons，另外再叫多個魚柳包餐，$32+特飲$2。
等開餐啦...
由於係即叫即整，要等十幾分鐘... 終於到啦！和牛漢堡包同薯角都非常熱辣辣，真係小心熨口呀！ 大大個滿佈芝麻嘅漢堡好好味，牛肉味濃又好juicy，一路食埋d芝士磨菇，好正！ 薯角永遠都好味過薯條，加上呢度係即叫即炸，份量仲好多，好好味！唔似M記咁孤寒得幾o舊(仲要做推廣至有薯角供應)
個魚柳包都算大個，用芝麻包配魚柳見到就流口水啦！塊魚柳炸得好香好脆，魚味好濃，生菜都好新鮮，唯獨只有包嘅底部有醬汁，上面嗰層就冇，太少醬啦！不過，都好好味，食完都想再食！(下次一定叫佢比多d醬)
青萍果梳打同巨峰提子梳打 : 原來得少少甜味，好飲。芒菓王露:芒菓汁+椰果, 唔錯。
如果唔係北角咁遠，都會多d嚟食呀！
張貼
