Ocio (已結業)

喺OR 度用半價團購咗waffle。團購之前都食過一次，但感覺又貴又唔太特別。但團購又真係好似好抵咁，所以忍唔住又買張試多次。今次適逢農曆假後，後生們都未洗番工番學，所以今次去勁多人。個女服務生好醒，見我拎住張紙，就好快話幫我對code同問我要咩味。要咗朱古力脆脆 & choco ice cream。由於人多，都等咗10分鐘。講真，味道同質地都唔算好特別。有朱古力味，又帶微苦，不會太甜。焗得脆身，但由於較薄身，所以就缺乏口感，加上都乾身。好在有球雪糕，夾埋一齊食就無咁乾。