影片
更多
2012-08-05
123 瀏覽
第一腸粉係太子一間腸粉專門店，開左一年，除左售賣多款招牌腸粉外，亦都供應豬骨粥,蒸飯及多款小食．呢間腸粉專門店開業唔夠半年就入選「米芝蓮車胎人美食」呢個獲得世界性公認o既榮譽，事件曾經上過報紙頭版報導自從獲得米之蓮車胎人後，第一腸粉除左近半年o係對面開多一間分店外，亦都再做團購優惠，今次除左再同團購達人合作外，亦都叫埋蜜蜂朋友參加，所以近期兩間舖都好熱鬧除左第一腸粉外，呢條街都有幾多食肆做過團購優惠，好似廣東燒味餐廳,京川滬風味小食坊,點喜來同埋陽光麵包西餅．原來第一腸粉都有英文名，新舖招牌有英文店名 Superior Steamed Rice Roll Pro Shop Limited，入面大約有四十個坐位．記得去年底使用團購優惠時，當時只有舊舖，剛獲得米之蓮車胎人榮譽，我地要o係門口排隊等幾個字時間，自從開左分店後，而家唔見人龍．好多人都覺得腸粉只不過係一款飲茶或者食粥會叫o既平民食品，不過獲得米芝蓮垂青後，一碟腸粉身價立即提升．上次團購優惠只需$10就可以有單拼腸粉配豆漿，十分抵食，不過而家出左名後腸粉加左幾蚊，今次團購優惠雙拼腸粉配豆漿要$15一份．今次享用團購優惠要避開繁忙時
自從獲得米之蓮車胎人後，第一腸粉除左近半年o係對面開多一間分店外，亦都再做團購優惠，今次除左再同團購達人合作外，亦都叫埋蜜蜂朋友參加，所以近期兩間舖都好熱鬧除左第一腸粉外，呢條街都有幾多食肆做過團購優惠，好似廣東燒味餐廳,京川滬風味小食坊,點喜來同埋陽光麵包西餅．
原來第一腸粉都有英文名，新舖招牌有英文店名 Superior Steamed Rice Roll Pro Shop Limited，入面大約有四十個坐位．
記得去年底使用團購優惠時，當時只有舊舖，剛獲得米之蓮車胎人榮譽，我地要o係門口排隊等幾個字時間，自從開左分店後，而家唔見人龍．
好多人都覺得腸粉只不過係一款飲茶或者食粥會叫o既平民食品，不過獲得米芝蓮垂青後，一碟腸粉身價立即提升．上次團購優惠只需$10就可以有單拼腸粉配豆漿，十分抵食，不過而家出左名後腸粉加左幾蚊，今次團購優惠雙拼腸粉配豆漿要$15一份．今次享用團購優惠要避開繁忙時間，只適用於星期一至五，另外兩間團購公司o既優惠條款有少少唔同，團購達人朋友可以新舊兩間舖都用得 coupon，若果係蜜蜂支持者就只可以去新舖
有部份蜜蜂朋友去左舊分店後俾店員嬸嬸趕走，要行過去對面o既新店使用團購優惠
由於兩間分店距離太近，好多人都攪唔清楚地址，留意到之前有o的食評係寫錯左分店添我地當晚大約七點到達，由於之前去過舊舖，今次我地特別去對面新舖享用團購優惠，新舖地方大少少，用左圓檯後，每張檯可以坐幾多個人變得較為彈性．
我地先向一位疑似老闆o既男人出示 coupon，坐低後就有嬸嬸拎住紙杯同埋一壺豆漿，o係我地面前倒兩杯豆漿(每杯原價$5)，之後我地選腸粉味道，總共有八款可供選擇，我地去年底食過薑汁豬潤拉腸同埋名爐鴨絲拉腸，今次就轉下口味試其他款式腸粉．
呢度o既腸粉單併原價$19，雙拼原價$24，我地最初仲諗住雙拼腸粉係一碟有兩款腸粉，每款有一,兩條，若果兩個人食，每人叫碟單拼腸粉再大家交換食，咁樣就可以試到兩款口味同埋各人都慳$5點知呢o的雙拼腸粉原來係每條腸粉都有兩款味道，我地之前都冇諗清楚點樣配搭腸粉配料，所以味道未必夾
我地一碟要左手切牛肉拉腸拚脆瓜什菌拉腸(原價$24)，另一碟要左招牌第一拉腸拼順德魚片拉腸(原價$24)
手切牛肉拉腸o的牛肉細細片，唔係用其他食店o既免治牛肉，幾好食
脆瓜什菌拉腸普普通通，我地覺得只係俾素食人士多一個選擇，下次再黎食唔會選呢款
招牌第一拉腸有少少菜脯粒同埋豬肉碎
順德魚片拉腸o的魚肉算足料及鮮味，不過我地食到好細條魚骨招牌第一拉腸拼順德魚片拉腸，一條腸粉混左一邊牛肉一邊魚肉，原來味道係唔夾架
腸粉一碟三條，皮薄得晶瑩剔透，好精細，係真正o既布拉腸粉，腸粉夠滑，粉皮有米漿o既味道，仲唔會黏住筷子．
同去年底食o個次比較，今次腸粉皮做得較薄，較易食到入面配料味道，不過薄身腸粉就自然食唔飽肚
另外，見到之前食評有人話呢間腸粉店o的豉油唔夠甜，不過 BabyBamboo 支持者覺得味道適中，阿媽話食得太甜唔健康架另外，呢個套餐仲有一杯冰凍豆漿，呢o的豆漿都有豆味，不過就唔濃郁，同埋甜左少少．豆漿就算堂食都用紙杯黎裝，實在唔太環保
大家要留意呢間腸粉店係唔會供應免費茶水，客人口渴可選擇購買冰凍豆漿,汽水又或者蒸餾水．留意到佢地近期開始賣維他最細支裝蒸餾水 330mL (原價$7)，計落仲貴過$5一杯冰凍豆漿及$7罐裝汽水，相信強國人先會識得欣賞呢o的水
今次呢個優惠價錢都算抵食，只需$15就食到米之蓮推介腸粉及冰凍豆漿一杯，若果日後再有團購可能會再幫襯，雖然團購達人話過而家o的野食真係好貴，不過我地覺得原價$24一碟雙拼腸粉就真係太貴
留意到好多客人唔知道米芝蓮評審準則只係衡量食物質素，唔太理會食物抵食程度，餐廳裝修環境及侍應服務質素，我地要理解平民化食肆o既老闆經營方式，服務態度一般．不過好多人以為走進米芝蓮食肆就會獲得五星級酒店級數o既待遇，若果因為受到員工唔太禮貌對待而感到自己尊嚴受損，咁樣就話食肆名不符實係唔太公道團購條款係每人每次限用一張 coupon，之前有食家可以兩個人使用三張 coupon 後仲對腸粉店不滿，表示以後唔再幫襯，其實唔太理解老闆o既一番誠意，呢種待遇真係大部份團購客人都唔會遇到喔！
當然，我地都要諗下今次團購 coupon 有冇超賣，腸粉店能唔能夠應付咁多額外客人，好多人歡喜就黎收舖同埋就黎 coupon 到期時先會享用團購優惠，若果客人o係接近收舖時遇到食物賣清o既情況，唔能夠獲得正常團購待遇，責任屬於商戶,團購網站抑或係客人，值得大家探討我地係晚飯時間黎食腸粉，平民化星級食肆自然吸引好多人黎幫襯．老闆要客人搭枱，同埋集中坐o係店內較入位置，好讓新黎客人有位坐，藉此做多o的生意．若果有人認為同人搭枱會感到自卑，就要避開飯市時間幫襯喔！
張貼
