影片
更多
2017-12-02
2887 瀏覽
好友買了呢間法國菜嘅團購，訂好位準時去到，地點唔就腳，店面唔大，店內幾闊落，裝修有點歐洲渡假感覺！但出入嘅趟門路軌生銹，每趟一次都有串刮玻璃咁嘅聲！好刺耳聲音好辛苦！我到咗叫店員（馬尾女店員）上菜，佢話要收團購列印紙，朋友講話已通知店家無印，訂位聽電話嘅男仔話可以比店員影低條碼就可以！不過女店員唔知！所以講一輪先影！店內只有佢招呼，雖然只有4枱客，不過佢超級不想服務咁，一做完手頭上菜，就藏身最入嘅收銀位置，每次都要舉一輪手，或叫幾聲佢先出山，攪晒又藏身洞穴內！等待佢出山好累！法式洋蔥湯：超級熱，洋蔥好多，味道夠濃香，浸咗湯嘅法包都好味！主菜：一塊木板上晒所有主菜配菜，主菜三文魚同雞必有嘅，另外可以揀牛或羊，我哋揀牛扒！挪威三文魚（8oz)煎得香脆，魚肉嫩滑唔腥！少少鹽吊味已夠！燒春雞(800g)賣相靚，但除了雞髀同雞翼嫩滑之外，雞胸部分係嚡到我與朋友食唔到！差！黑安格斯西冷牛扒（8oz)要求5成熟，但來到最多3成（外面好薄係熟，入面全紅）幸好牛扒本身牛味夠，而且無乜筋，生得來幾滑！所以救到啲分！（係材料好但廚師掌握熟嘅技巧唔夠）配菜：墊底用薯角：薯角肥美，炸得外脆內軟，薯香夠濃，外面有
好友買了呢間法國菜嘅團購，訂好位準時去到，地點唔就腳，店面唔大，店內幾闊落，裝修有點歐洲渡假感覺！但出入嘅趟門路軌生銹，每趟一次都有串刮玻璃咁嘅聲！好刺耳聲音好辛苦！
24 瀏覽
0 讚好
0 留言
店內只有佢招呼，雖然只有4枱客，不過佢超級不想服務咁，一做完手頭上菜，就藏身最入嘅收銀位置，每次都要舉一輪手，或叫幾聲佢先出山，攪晒又藏身洞穴內！等待佢出山好累！
27 瀏覽
0 讚好
0 留言
法式洋蔥湯：超級熱，洋蔥好多，味道夠濃香，浸咗湯嘅法包都好味！
31 瀏覽
0 讚好
0 留言
23 瀏覽
0 讚好
0 留言
挪威三文魚（8oz)煎得香脆，魚肉嫩滑唔腥！少少鹽吊味已夠！
燒春雞(800g)賣相靚，但除了雞髀同雞翼嫩滑之外，雞胸部分係嚡到我與朋友食唔到！差！
黑安格斯西冷牛扒（8oz)要求5成熟，但來到最多3成（外面好薄係熟，入面全紅）幸好牛扒本身牛味夠，而且無乜筋，生得來幾滑！所以救到啲分！（係材料好但廚師掌握熟嘅技巧唔夠）
配菜：墊底用
薯角：薯角肥美，炸得外脆內軟，薯香夠濃，外面有味粉，好味！
炒法邊豆：份量好多，落好多蒜茸炒，但太淋，無晒咬口，豆外層都爛晒！唔好味！
16 瀏覽
0 讚好
0 留言
紅酒：預咗唔係靚嘅紅酒，自己唔識品酒，只求易入口，呢隻紅酒🍷就唔得，飲落有陣喇脷嘅感覺，之後先飲到葡萄🍇味，朋友話都有飲到微甜味！我只飲到一半！
20 瀏覽
0 讚好
0 留言
法式焦糖燉蛋：個盤大不過薄，焦糖甜膩，蛋係凍嘅，creamy但蛋味唔夠！又無呍呢嗱籽嘅味！奶味為主！
食物有好有差！但服務先係死穴！個馬尾店員嘅hea極態度好難頂！佢唔係唔做，係唔會理個場嘅狀況，大小姐最想返洞穴玩手機！真係好唔好意思打擾佢！🙄中間上主菜食物（其實所有主菜配菜都一木板上晒，慳水慳力）又唔比芥辣茄汁！餐飲唔搵佢又完全無咗件事咁！係客人麻煩佢服務，而唔係佢去服務我們，所以話佢超hea
食物ok（團購價錢抵食嘅$298+$30服務費），但服務員咁樣，好難返轉頭！
張貼
