影片
更多
2012-06-04
88 瀏覽
與家人慶祝生日，家姐早前買了響灣仔既私房菜去試，基本上對團購無咩好感，我會覺得酒樓都係會將貨就價，而客人一多，D待應服務就好差，但今次個團購4人餐$399，都比我有服務好份量足食物不錯既感覺！紅燒花膠翅一眼望落無乜野，但其實都足料（當然唔好期望有好多翅啦），見到食到一舊舊花膠，個羹幾杰身，翅就真係唔多喇，呢個價錢想點呢！花膠雖然無咩味，但件件都好厚身幾大舊，個羹有落雲腿吊下味，都ok既！黑松露蝦多士一上菜就聞到松露既香味，上碟外型都幾靚幾吸引既，但可能大部份枱都係食套餐，食物炸定先？個多士無鮮炸出黎o個種口感，雖然都算好食，但感覺會較油膩，唯一加左黑松露又真係香好多！同埋蝦上面有個醬都幾好食，所有野夾埋一齊就色（又黑松露既黑、醬汁既白、蝦既紅同多士既色）香（黑松露仲唔夠香？！）味（醬汁、海鮮、黑松露）乜都齊！士多啤利焗肉排骨大肉少，望落去幾大碟，但唔知係咪我食中o個舊個骨好大，痴住既肉就少，同埋不太喜歡個汁杰撻撻，食到最後一舊係超大舊，個骨無斬開，食得好麻煩呢！高司傅頭抽雞豉油雞半隻，正常，我家姐話肉嫩，我覺得正常啦。但呢半隻好足料，雞肥肉厚。隻雞都夠豉油味，不過…可唔可以"moun"
紅燒花膠翅一眼望落無乜野，但其實都足料（當然唔好期望有好多翅啦），見到食到一舊舊花膠，個羹幾杰身，翅就真係唔多喇，呢個價錢想點呢！花膠雖然無咩味，但件件都好厚身幾大舊，個羹有落雲腿吊下味，都ok既！
黑松露蝦多士一上菜就聞到松露既香味，上碟外型都幾靚幾吸引既，但可能大部份枱都係食套餐，食物炸定先？個多士無鮮炸出黎o個種口感，雖然都算好食，但感覺會較油膩，唯一加左黑松露又真係香好多！同埋蝦上面有個醬都幾好食，所有野夾埋一齊就色（又黑松露既黑、醬汁既白、蝦既紅同多士既色）香（黑松露仲唔夠香？！）味（醬汁、海鮮、黑松露）乜都齊！
士多啤利焗肉排骨大肉少，望落去幾大碟，但唔知係咪我食中o個舊個骨好大，痴住既肉就少，同埋不太喜歡個汁杰撻撻，食到最後一舊係超大舊，個骨無斬開，食得好麻煩呢！
高司傅頭抽雞豉油雞半隻，正常，我家姐話肉嫩，我覺得正常啦。但呢半隻好足料，雞肥肉厚。隻雞都夠豉油味，不過…可唔可以"moun"清D雞毛呢，我以為私房菜做菜會細緻D添。
鮑汁蝦子扒柚皮
雖則話做呢個功夫步驟多，但我唔鍾意柚皮個味，我食左少少only。
蝦子麵
食到呢度我都飽飽地，食左少少麵，蝦子滿佈，夠味，不過唔夠熱。
之後仲有蛋白杏仁茶，以酒樓中菜黎講呢間既味道同抵食度叫上上（用團購價錢去計），但如果以私房菜黎計，應該可以改進以特色菜、招牌菜作賣點，呢餐就食唔到呢個私房菜感覺。
地址: 灣仔灣仔道83號9樓 電話: 28911182
張貼
