影片
更多
2012-10-30
23 瀏覽
昨天同朋友來了這裏食團購鐵扒餐,原價要999元架,依家399元+99.9加一,500元差唔多半價,朋友話好抵好想食,所以一早訂左枱,我地食8點時段,未夠8點上到去,餐廳唔算大,冇咩人喎.坐在鐵板位. 我地食藍蠬蝦套餐,仕應拿了一碟醬給我們,但冇講係咩醬,冇講用嚟配咩食,過左一會,仕應才慢慢的拿茶給我們,其實餐廳係只有幾枱客人的,服務有欠熱誠.坐了一會先上刺身及沙律,但甚麼也沒講,我地覺得應該係每人一件刺身,一碟兩人份量,三文魚都好肥美的,北寄貝新鮮好味,還有鱆紅魚都好鮮甜,沙律都好開胃及新鮮,有沙律菜,粟米,車厘茄.之後見師傅在弄蠬蝦,心想應該係我地的,放在一旁等待中,都好大隻,切開一半都還係度郁的啊,好生猛. 師傅先整鮑魚,每人一隻,都幾大隻的喎,鮑魚在鐵板上面不停的郁動,師傅好純熟的在鐵板上面切及煮鮑魚,感覺很正,好像在看表演一樣. 他還問我們試不試下個鮑魚肝,佢話味道甘甘地的, 我們都想試下,師傅很細心的把鮑魚切開然後再加調味料一齊在鐵板上面再煮,然後就分成四份給我們啦,試一件先,好香及好爽口的鮑魚呀! 好新鮮好好味,加些檸檬汁一齊食可帶出鮮味,鮑魚肝係黑色的,試了一小件都冇咩特
坐了一會先上刺身及沙律,但甚麼也沒講,我地覺得應該係每人一件刺身,一碟兩人份量,三文魚都好肥美的,北寄貝新鮮好味,還有鱆紅魚都好鮮甜,沙律都好開胃及新鮮,有沙律菜,粟米,車厘茄.
之後見師傅在弄蠬蝦,心想應該係我地的,放在一旁等待中,都好大隻,切開一半都還係度郁的啊,好生猛. 師傅先整鮑魚,每人一隻,都幾大隻的喎,鮑魚在鐵板上面不停的郁動,師傅好純熟的在鐵板上面切及煮鮑魚,感覺很正,好像在看表演一樣. 他還問我們試不試下個鮑魚肝,佢話味道甘甘地的, 我們都想試下,師傅很細心的把鮑魚切開然後再加調味料一齊在鐵板上面再煮,然後就分成四份給我們啦,試一件先,好香及好爽口的鮑魚呀! 好新鮮好好味,加些檸檬汁一齊食可帶出鮮味,鮑魚肝係黑色的,試了一小件都冇咩特別甘的味道,粉粉地似豬潤的味道.
再嚟就係煮蠬蝦啦,嘩,好期待呀!! 師傅將蠬蝦放在鐵板上面不停的在切及炒,然後分得很平均的兩分給我們,好多蠬蝦膏係蠬蝦肉面,好多蠬蝦肉,兩隻蠬蝦鉗,蠬蝦肉質好彈牙,好爽口,好香好好味呀! 沒有鯹味,好有質感,蠬蝦膏唔係好咸,我覺得有點點鯹味,不過朋友們說係我食唔慣,係這樣才是鮮甜味,不過好RICH好香又多,蠬蝦鉗啖啖肉,師傅已經幫我們弄開了個殼,所以成個鉗可以取出嚟好正. 另外,還有一碟係蠬蝦腳及應該係鰓位置,雖然冇咩用食,不過都好香!! 好滿足好滿足.
之後就係翠肉瓜及香菇,砌到心形添呀,翠玉瓜好爽甜,香菇都好味. 和牛我地食七成熟,入面有一些芽菜及蔥等,好香及薄薄的牛肉,好好味,入口即溶的感覺. 面豉湯都好鮮味的,個湯底係海鮮湯嚟架,會過咸,入面有一些豆腐,海帶,好味.
我們叫左一份炒飯一份炒烏冬分嚟食,炒飯好香,我地叫師傅炒得乾身D,炒飯好多料架,有些蝦仔,一些薄脆,三文魚子,蔥花,蛋絲,好豐富呀!!好好味,我好鍾意呢個飯,好有質感. 炒烏冬都好味,有些芝麻,海鮮,紫菜絲係面,都乾身唔油,GOOD.
我地其實食到七七八八好飽,但係餐廳己冇晒客人,仲要關燈添....心諗我地都未走,我突然記起有一個甜品,問仕應他才拿給我們,其實我有點覺得如果唔問就應該會不了了之,這樣不是很好囉. 甜品唔知係咩味的蛋糕,呢個好一般.
其實都係10點多,已經關晒燈,仕應走晒,感覺好怪,我們先走.....
回家途中拿MENU出嚟睇番食過D咩,先發現原來還有一杯特飲的,但仕應們都沒有拿給我們,這樣真的有點不誠實的感覺,因我們不是記著有甚麼,一樣一樣在對,但餐廳們應該會很清楚他們的菜單有些甚麼.
整體感覺係食物質素好好,但係服務真的唔係好滿意啊.
張貼
