HeySoNuts

營業中

休息中

朋友bookmark咗呢間Cafe好耐，上星期終於得閒過嚟試吓。芝士焗肉丸配自家製燒烤醬 $88肉丸都係現成急凍貨，芝士份量足夠，做到拉絲效果。個自家製燒烤醬嘅味道我就食唔出同坊間嗰啲有啲咩唔同，而且好稀，掛唔到汁上肉丸。如果想食肉丸，可能去某連鎖傢俬舖食會開心啲。松露油忌廉野菌汁貓耳朵意粉 $102一上枱就聞到淡淡嘅松露香，貓耳朵意粉有啲厚度，口感煙韌，野菌菌份量雖然唔多，但係食落新鮮，面頭有少少合桃碎，增加口感嘅層次。成碟意份份量偏少，男仔嗌一個可能食唔飽。伯爵茶忌廉日式疏乎厘鬆餅 $88伯爵茶味幾清新，忌廉份量足夠。Pancake有空氣感，食落軟綿綿唔會太濕但係略欠蛋香。雖然配料比較單調，得忌廉同埋少少餅乾碎同脆片，但係整體嚟講性格比幾高。總共叫咗三樣嘢，計埋加一埋單$306，cafe嚟講唔算貴，但係食物份量較少，三個女仔食唔飽。