夢の丼 (已結業)

今日同媽媽放工去開土瓜環，行過有間叫夢の丼既日本菜，見到個menu好吸引，就入去試下啦~餐廳都好大，座位排得好有空間感，好舒適既感覺我地叫左夢の丼，花錦魚生丼，蟹皇醬燒蟹膏豆腐，磯燒北海道珍寶帆立貝，左口魚邊壽司，深海池魚刺身同鮟鱇魚肝湯同沙律夢の丼有三文魚蓉、三文魚子、帆立貝、牡丹蝦、海膽、松業蟹同左口魚邊，望到都好豐富～丼飯仲配有橙醋，侍應上枱時建議我地先飲橙醋～橙醋好清新~清一清個口再食丼飯~刺身十分新鮮，特別牡丹蝦十分鮮甜~海膽都又滑又鮮味~花錦魚生丼色彩繽紛既雜錦粒粒魚生丼，上面仲有生雞蛋，撈埋食有蛋香同更滑溜蟹皇醬燒蟹膏豆腐豆腐吸晒蟹既精華，燒蟹膏又香濃又甜~估唔到蟹膏同豆腐咁夾！磯燒北海道珍寶帆立貝燒到外脆既帆立貝，肉質十分爽口彈牙，珍寶真係好大粒，仲有香脆紫菜比我地包住食，好好食呀！左口魚邊壽司左口魚邊油脂充足，入口即溶，一啖放入口，好滋味！深海池魚刺身及鮟鱇魚肝深海池魚刺身味道癠爽甜，鮟鱇魚肝相對味道濃郁~各有各好食估唔到唔打唔撞都食到間咁高質既日本菜！一定會encore!