居廬 (已結業)

去土瓜灣探個舊朋友，朋友亦盡地主之誼帶我去附近晚膳。呢間餐廳從外觀到內裡既裝修都非常讚，燈光柔和，氣氛唔錯，估計呢到食野唔平果然冇估錯，平均一份set dinner都要$100起，估唔到係土瓜灣既cafe食野都咁貴。難得今日開心，就叫個美式雜扒餐enjoy下套餐包蒜蓉餐包及是日餐湯，是日餐湯係粟米忌廉湯，飲落好香粟米既鮮甜味，加埋忌廉滑滑既口感，好正!! 等左陣主菜黎啦，主要有雞扒、豬扒、雞翼、德國腸、煙腿，再加埋薯角做配菜，感覺份量好多。醬汁一般，最欣賞塊雞扒表皮煎香，食落香脆而肉質依然嫩滑多汁，整體樣樣都好味，唔會難食，但唔太特別，相對呢個價錢就唔值啦……