漫花燈火OMG (已結業)

呢排土瓜灣多咗好多特色嘅餐廳，見今個weekend得閒，即刻捉埋男朋友一齊去其中一間好出名嘅漫花燈火OMG到食飯☺️鰹魚南瓜濃湯配特式法國奶油甜包。呢個餐湯係自家製嘅，南瓜同鰹魚好新鮮，两樣食材完全突出到大家嘅味道。非常鮮甜！加埋奶油甜包，味道啱啱好。唔錯哦👍🏻椰菜花西蘭花薯仔沙律配自家製鹹蛋黃醬。特別嘅前菜🤤，新鮮嘅蔬菜配埋特製嘅鹹蛋黃醬，味道唔會太寡。超正！自家製酥皮黑魚籽牛油果煙三文魚水牛芝士波波他他。賣相好靚❤️！一見到就已經心心眼😍😍。食材新鮮。所有食物嘅味道好鮮甜，連埋自家製嘅酥皮一齊食，口感外脆內軟！好味到停唔到口！西班牙伊比利亞辣肉腸白酒忌廉煮藍青口配牛油多士。必食嘅😋！辣肉腸同青口配搭得好好，白酒忌廉汁令到青口嘅味道更加鮮甜可口。真係冇得輸！👍🏻