SHADI

營業中

休息中

土瓜灣有好多小食店好吸引, 今日途經譚公道時, 俾食物香味吸引, 原來係來自間叫SHADI 嘅漢堡店, 食物選擇唔只有安格斯牛堡, 雞🐔,羊🐑,蝦🦐堡, 薄餅🍕, 而且仲有沙威瑪，係中東嘅傳統食品， 食物係即場製作， 好認真， 咁就要試下啦！🍭單層羊堡🍔唔係好多地方有賣羊漢堡， 所以嗜羊者會超喜歡，羊肉油脂較少， 肉質緊密，較有口感，羊肉嘅熱度令芝士溶化， 芝味湧溢，奶滑肉香。讚!!!!👍🍭雞肉沙威瑪呢個係用皮搭餅包住烤鷄肉、生菜，番茄、醃青瓜、洋蔥， 再配自選嘅辣醬， 烤過嘅雞肉有獨特焦香味， 好惹味， 而且最正嘅係個卷係用錫紙包住， 既保溫又方便進食！