川粵時光小廚

營業中

休息中

今日去土瓜灣探親戚，到晚飯時間又係搵野食嘅時間，親戚話佢樓下有間食川菜唔錯嘅餐館，所以就去試吓。水煮魚，上枱個賣相已經勁吸引，勁大盤，份量都唔算少，上枱時已經聞到勁香嘅麻辣味香味，道先試吓魚片先，啱啱熟，完全冇overcook，食落勁滑，勁嫩，仲有好多配菜墊底，可以完全吸收晒水煮汁，所以食落每啖都好香好麻，正。麻辣雞煲，上枱時咋咋聲，熱辣辣，香味十足，食落d雞相當嫩滑，個麻辣汁夠晒惹味，非常好食，椒鹽魷魚鬚，炸到脆卜卜，d炸粉一d都唔算厚，個椒鹽味夠晒味，唔使點任何野，都勁好食，食到停唔到口。