No.9 (已結業)

好少去土瓜灣食野，難得去梗係試下好野。久聞依間唔錯，都有朋友推薦過幾次。大胃王朋友嗌左個牛肉漢堡，再同我同另一個朋友嗌左炸魚薯條同青口加個菇湯。炸魚薯條有三件魚，唔太大件，配他他醬，個醬酸酸地又夠結。魚本身冇乜特別，炸得夠脆，不過有啲厚皮，冇乜魚味。個薯條幾好，最特別係個茄汁有香草，唔止得酸味，多左層次。青口都有一定數量，但細隻，唔算靚料，白忌廉汁出色好多，最得係個包，脆，有蒜味夠香，點汁一流。最好味個湯冇影到，粒粒菇，個湯少少稠密，配個包都係一流。同場加映朋友食既漢堡，佢食到成手都係汁，勁juicy，下次都係試漢堡好啲。