影片
更多
2024-08-24
201 瀏覽
土瓜灣（近宋王臺站）呢間小店Shadi Burger 朋友話抵食好食今次路過一於試吓. 餐廳座位唔多以外賣為主，堂食坐高凳配埋紅磚牆感覺幾chill. 餐牌簡單主力提供漢堡包、薄餅、熱狗同小食，全部新鮮即叫即製，價格親民大部份都係一百幾十蚊就有交易，飲品就有咖啡同埋一般軟飲料. 加$25升級做套餐仲抵食有罐飲品同薯條. 唔怪得用餐途中咁多街坊買外賣啦. ⭐️羊肉沙威瑪店員介紹呢個係中東常見嘅快餐小食. 內藏大量羊肉、蔬菜及紫洋蔥，烤得好香而且保持飽滿肉汁食落唔會氈. 今次試咗辣味，真係幾辣，不過特製醬汁辣得好過癮. ⭐️手製雞肉薄餅（6 吋）手工薄餅足料惹味，薄餅鋪滿免治雞肉、燈籠椒、蘑菇同芝士. 餅底質感比平時唔同咬落會較煙靭幾特別. 跟餐薯條簡單用鹽調味炸得好香脆. 飲罐可樂簡單滿足嘅一餐.
⭐️羊肉沙威瑪
店員介紹呢個係中東常見嘅快餐小食. 內藏大量羊肉、蔬菜及紫洋蔥，烤得好香而且保持飽滿肉汁食落唔會氈. 今次試咗辣味，真係幾辣，不過特製醬汁辣得好過癮.
⭐️手製雞肉薄餅（6 吋）
手工薄餅足料惹味，薄餅鋪滿免治雞肉、燈籠椒、蘑菇同芝士. 餅底質感比平時唔同咬落會較煙靭幾特別.
跟餐薯條簡單用鹽調味炸得好香脆. 飲罐可樂簡單滿足嘅一餐.
張貼
