夢の丼 (已結業)

自從屯馬綫開通後，會去唔同餐廳覓食。今次嚟到土瓜灣站，發現呢間好評如潮嘅日本丼飯專門店。平日夜晚人流唔算太多，不過原來食物是如此高質，真係滄海遺珠。我哋要咗一個花錦魚生丼同夢之丼，夢之丼係呢間餐廳嘅主打，簡直係刺身丼飯中既豪華版，有頂級刺身如三文魚蓉、三文魚子、牡丹蝦、松業蟹腳、海膽、左口魚邊同帆立貝，味道確實高質，份量一啲都唔吝嗇，$300泥講算好抵食。如果對價錢太有concern推介可以食花錦夢之丼，呢款又係可以一次過食晒所有好食嘅魚生，總共有13種配料，真係如花似錦。佢配埋個橙子醋，酸酸甜甜，令你消解刺身嘅飽膩感。我哋再叫咗個刺身拼盤有法國生蠔、深海池魚、同鯛魚薄切，每款都鮮味十足。所有刺身質素都好高質，日本貨到港，呢個價錢絕對非常抵食！原來土瓜灣都有隱世高質日本餐廳。