喜滿樓菜館

營業中

休息中

大學同學飯聚，選了紅磡高山道附近的喜滿樓，門口格局有些茶餐廳感覺，但入內環境都唔錯，一行五人叫芝麻雞同炸子雞各半隻，西檸煎軟雞，黑胡椒炒蟹，海鮮什菜煲，黄金脆蝦、涼瓜京蔥炒什錦，同埋叫左個梅菜炒菜心，芝麻雞同炸子雞超正，分不出高下。黑胡椒炒蟹更是惹味，黑胡椒汁用來送飯更是一流, 味道樣樣都唔錯，不過黄金蝦有些熱氣要飲涼茶清熱氣。值得一讚係個西檸雞，才58元,雞肉滑之餘唔會太乾，而且個西檸汁既味道調得唔錯，忍唔住起碼食左5件。原來這裡可自來海鮮加工, 下次買些蟹來試埋其他煮法。