伊斯坦堡特快 (新文華中心) (已結業)

自從我去過一次土耳其，對土耳其豆蓉湯念念不忘，趁今日攞半日假出尖沙咀睇醫生，因利成便去伊斯坦堡特快食番個土耳其午餐。入去坐低，waitress 埋嚟set枱跟住擺低三支特色醬，環顧四周，得我係本地人，我order咗個午餐，主菜我揀土耳其式烤羊肉粒卷，餐飲可揀汽水檸荼檸水，入到嚟梗係唔會揀呢尐啦﹗我要咗杯熱土耳其茶；午餐不包餐湯，餐湯加$20，我為咗豆蓉湯而來，呢廿蚊唔慳得。豆蓉湯味道ok，香料味道唔太搶，美中不足係豆蓉唔夠，湯略稀；飲落好似少咁尐嘢咁，有尐失望。主菜烤羊肉粒卷，有薯條跟，羊肉粒卷好足料，除羊肉粒外，仲有好多菜，羊肉粒好滑，有肉汁，唔韌冇羶味，將三支特色醬混埋羊肉粒卷一齊食，味道好特別但唔奇怪，十分討好。順便一提，三支特色醬都好「漏」，但值得一試。