影片
更多
2019-02-28
40 瀏覽
禮拜日下午，一個朋友硬係要拉我陪佢歎咖啡，我自己就唔係咩識歎咖啡嘅人，唔識飲又坐唔住，本身唸住推咗去，但係朋友又講到呢次去歎嘅係土耳其咖啡，好特別，我見咁岩又無乜野做，就陪朋友去試下啦😃😃😃😃。其實歎咖啡嘅地方係一間土耳其餐廳，係油麻地一間酒店嘅最頂層，會有下午茶嘅服務提供，土耳其咖啡就係其中嘅最大特色。雖然話呢度嘅景觀唔係山唔係海，但係咁高嘅地方望落喧鬧嘅城市，感覺都幾好。講翻個土耳其咖啡，佢嘅特別之處是煮咖啡的手法，先將土耳其特產的咖啡粉同水倒入蒸餾咖啡嘅器皿，然後將器皿埋係沙堆入面，加熱啲沙，通過沙同機器嘅熱力黎蒸餾出咖啡。雖然我唔係幾知咁樣沖咖啡嘅好處，但係成個整咖啡嘅手法真係幾特別，幾好睇。店主話呢隻咖啡無可卡因，可以放心飲，仲比咗幾粒土耳其嘅糖，教我地先飲一啖咖啡，覺得苦澀，可以含一糖一齊飲，跟住飲啖水，清一清口腔嘅異味，再去飲下一啖咖啡，咁先可以真真正正咁品嘗到咖啡嘅香味。老老實實，我真飲唔出咖啡同出面嘅有好大分別，少少苦味，但有好味嘅糖可以一齊送咖啡，我覺得都可以接受，咖啡香味的確好濃，我個飲慣咖啡嘅朋友，都話好香好正。最得意嘅係，飲完咖啡，店主話可以將個咖啡杯倒轉，然
其實歎咖啡嘅地方係一間土耳其餐廳，係油麻地一間酒店嘅最頂層，會有下午茶嘅服務提供，土耳其咖啡就係其中嘅最大特色。雖然話呢度嘅景觀唔係山唔係海，但係咁高嘅地方望落喧鬧嘅城市，感覺都幾好。
講翻個土耳其咖啡，佢嘅特別之處是煮咖啡的手法，先將土耳其特產的咖啡粉同水倒入蒸餾咖啡嘅器皿，然後將器皿埋係沙堆入面，加熱啲沙，通過沙同機器嘅熱力黎蒸餾出咖啡。雖然我唔係幾知咁樣沖咖啡嘅好處，但係成個整咖啡嘅手法真係幾特別，幾好睇。
店主話呢隻咖啡無可卡因，可以放心飲，仲比咗幾粒土耳其嘅糖，教我地先飲一啖咖啡，覺得苦澀，可以含一糖一齊飲，跟住飲啖水，清一清口腔嘅異味，再去飲下一啖咖啡，咁先可以真真正正咁品嘗到咖啡嘅香味。老老實實，我真飲唔出咖啡同出面嘅有好大分別，少少苦味，但有好味嘅糖可以一齊送咖啡，我覺得都可以接受，咖啡香味的確好濃，我個飲慣咖啡嘅朋友，都話好香好正。最得意嘅係，飲完咖啡，店主話可以將個咖啡杯倒轉，然後佢可以研究杯入面咖啡漬嘅pattern黎算命，200蚊一次。哇！咁神奇！可惜佢話研究咖啡漬好費腦力，要留住精力準備晚餐，所以就無幫我地算命啦。佢仲提醒我地如果下次想算命，要提前打電話預約。
係咁高嘅餐廳，望住窗外嘅晚霞，歎一杯精心炮製嘅土耳其咖啡，享受下寧靜舒適嘅環境，的確係一大樂事。我好推薦平時終於飲咖啡嘅朋友黎呢度過一個寫意嘅下午😌😌😌😌。
張貼
