土耳其小城 (萬昌樓) (已結業)

為咗彌補疫情期間冇得去旅行，我哋就搵咗呢一間有土耳其風味嘅餐廳，一去到之後發現裝修已經好俾心機🥰而且菜單都有好多唔同嘅選擇，我哋糾結咗好耐之後，就決定嗌多幾個小食！我哋叫咗呢個串燒牛肉，佢個份量十足，而且特製嘅醬汁配上香濃嘅牛肉味，成個感覺好match🤤香酥茄子夾雞係煎到金黃色嘅茄子🍆夾住嫩滑嘅雞肉，而且唔好睇小佢嘅分類，絕對可以淡淡都有雞肉👍🏻我哋仲叫咗一個有深海魚柳，生菜，蕃茄，洋蔥的沙律🥗深海魚柳肉質線條，配上爽朗有咬口嘅生菜同蕃茄片，絕對值得一試👍🏻克勒拉雞皇用咗奶油咖喱去烹調雞肉，成個感覺好似食緊奶油雞肉咁，佢濃郁嘅咖喱香唔會完全覆蓋奶油嘅香氣，你係食雞肉嘅時候可以感受到唔同嘅層次感🥳我哋叫咗個咖喱點會唔叫烤餅呢，糾結咗好耐之後我哋揀咗有蒜頭同牛油製成嘅烤餅。配合埋我哋叫嘅咖喱，成個口感提升左唔止一個層次😏