堅離地 7 PO (已結業)

今日去了一間精彩的小餐廳飲野。疫情下食飽飯無野做就係想搵個地方坐下傾下計，朋友就話去呢間，呢間野都幾好feel，好有中東風情，好鍾意佢地D馬賽克燈，好靚，環境就一流，咁D野飲野食又點呢？因為飲Afternoon Tea就梗係要有Tea啦，我地試咗佢嘅土耳奇棒茶，我揀了蘋果茶，我個Friend就選了紅石榴茶，我地兩個都唔加糖都覺得個甜度啱口味。紅石榴茶一壺咁上，慢慢斟慢慢飲都幾寫意。兩款茶之中紅石榴茶嘅味比較出，少少酸幾開胃，佢D果味都唔會太假，順帶一提就係佢D杯杯碟碟都好靚。蘋果茶的味道來得比較慢，要飲了一陣先至感受到蘋果的回香，好淡好淡咁散發出黎，唔知係唔係我太心急呢？就呢兩隻味而言，如果鍾意果香濃嘅就可以揀紅石榴茶，如果唔鍾詫咁重果香的就揀蘋果茶好了。食物就叫咗個雞翼，味道都唔錯，不過食晒先記得未影相。呢間野整體唔錯，值得一試。